10月係一個重要的月份 所以決定由10月的第一日開始寫日記

大鄉里 魚旦 ^o^
 
今日10點幾先起身 之後就去左食早餐 跟住就做左個大鄉里落左去旺角行街 點解做左個大鄉里@@? 因為我基本上係未去過旺角行街 我實在係太乖 = = 覺得自己有d問題 如果提起旺角 我諗我只係會諗起波鞋街.. 今次我就去左潮流特區 睇左好多得意野 最深影像就係LEGO電話 超靚 195蚊 如果我房既電話線唔係壞左我就已經買左佢返屋企完啦  >"< 最後就買左2件衫 1條褲 好開心 又靚又唔使$$ 哈哈 ^o^ 之後就去左舅父(拉姑)屋企睇佢出左世幾日既BB 幾cute 之後就同屋企人(10個人左右)去左元朗食飯都幾好食 不過因為係店外面食既關係 一路食就一路有好多樹葉 係頭頂不停飛哂落黎加料 then買左隻cs公仔鎖匙扣 好Q架 只要5蚊雞咋 超平 哈哈哈 仲夾左公仔 點知原來佢係限時架 搞到"side"左1蚊 我就唔份氣用剩餘既一蚊雞夾多一次 點知.....比我既2姨丈 搞住哂 亂咁郁我枝控制"肝"整到又夠左鐘 夾唔到 =0=" 夾完就去左附近既泛后甜品食飯後甜品 好好食 但係因為鋪頭 入面有好勁的榴槤味 我家姐頂唔順 所以要坐係門口外面果度食 食食下仲要落埋雨添 好搞笑 其實本來諗住係屋企睇煙花 因為次次放煙花都可以係屋企的窗口望出去睇live架 超正 點知出左街食野喎 搞到今次無得睇 可憐 ＞.< 跟住就番左屋企lu 放煙花的關係返到屋企岩岩好睇到"甘之肉頁" 好好睇 可惜仲有一日就做完喇 再icq多一陣就訓左lu...

倒數：仲有15日