員工被受侮辱 廿三蚊也有專業
鑽石山嘉禾荷裡ｘ戲院，開業十年多，一直都受大眾歡迎，但近年來，此店員工流失率極高，一年內人面全非，一個月內有過半數員工辭職，全職更只剩下一人， 工作氣氛極度惡劣，原因是此店的管理人員的處事方式非常有問題，近日此店經理在沒有員工在場和準許的情況下，擅自打開了所有員工的有鎖儲物櫃，並取去他們認為屬於公司的所有物品，包括制服，電筒，筆，其後經理還恐嚇員工說，如果員工要追究被開儲物櫃的話，我們一樣會追究員工取去了公司的物品，這次有意的行動令嘉禾荷裡ｘ的員工逐一辭職，過半數員工辭去，令在職員工工作量大增，這次事件只是導火線，其實在這兩年，員工一直在黑暗裡工作，指的不是黑漆的戲院，而是員工的心情和氣氛，沒有一個員工是覺得工作開心的。
去年公司春茗，員工ａ想去春茗，
但經理說：「你己經被炒了，無得去。」
嘉禾春茗的可以帶朋友或家屬去的，
員工ｂ說：「咁我帶朋友去啦，朋友係員工ａ」
經理說：「呢道我最大，我話唔比佢去就唔比，你地出返去！」
道理何在？？員工ａ係沒有犯過嚴重過錯的。
員工ｂ曾向高層投訴，但可惜，天下烏鴉一樣黑。
還有一名女性主任，她更是口出狂言，講野唔經大腦，她在員工議論紛紛地說要辭職的時候說：「就算無曬你地班ｐａｒｔｔｉｍｅ都無所謂，唔好以為可以一穫＜橋＞起我地呀！」
她亦曾經說某些員工是廢柴，哈，請人個個話自己請返黎個ｄ係廢柴，真可笑
這個主任對客人的態度更是惡劣，有一次，客人ａ用八達通買完野食，客人ｂ其後都用八達通買野食，此時客人ａ回來再想買多樣野，但因為人多，所以八達通機己經收埋左，但這個主任說：「無得用呀，個八達通機比你整壞左啦！」
客人ａ：「妳唔好亂講ｗｏ，岩岩個人都有用啦！妳睇請楚啦唔該！！」
明明唔係客人整壞，但冤枉他人，其後還說客人ａ是痴線的，這就是她良好的服務態度了。
又有一次八號風球，一個生病的員工還堅持返工，但她卻說這個員工扮病唔做野，返黎呃個百五蚊ａｌｌｏｗａｎｃｅ，事隔一個月還沒道歉，二人一直沒有說話。
呢間戲院既編更方法更是出奇，兩日兩日咁出，仲要夜一夜先知道聽日自己要唔要返工，六點打返去就話八點再打黎，八點打去又話忙緊，十點就話埋數，十二點就鬧你做乜咁夜先打黎問更，最大既問題係我夜晚都唔知自己明天早上或者下午洗唔洗返工，咁我仲洗唔洗約人，仲洗唔洗去做私人野，我地是兼職，唔係一有空閒時間就要留比你編我返工，佢地經理既，就一次過編好幾星期既更，仲可以慢慢傾邊日唔得閒邊日想返咩時間，我地員工既，想請一日假都問長問短，最過份既就係有一次一個全職員工放例假，經理竟然要求全職員工比病假紙，仲打去醫務所問，實在過份。
當全職員工只剩一人時，經理同呢個員工講公司好需要你，唔想你走，
轉個頭經理同第二個員工講，就算我地無埋個個全職都無問題。
根本經理主任完全不能服眾，唔見得佢地能幹，管理手法更是差勁，時常說沒有人返工，你對人好，人對你好，如果係有歸屬感既，開心既，個個爭住返工啦。
員工：「員工被受侮辱 ，廿三蚊也有專嚴。」
員工：「雖然每個鍾只係廿三蚊，但我們唔係為錢而繼續做囉。」
員工：「我地只係兼職，返工開心己經好滿足。 」
員工：「佢地係經理，我地做細既 點敢講野呀。」
如果大家睇完之後，想幫我地，不要猶豫，請ＦＯＲＷＡＲＤ出去，
唔洗多，每人都出一分力，讓全世界都知道呢件事，
為受害員工出一口氣，拾回尊嚴。
感謝 | 
